Present Perfect Continuous Tense
زمان حال ڪامل جاري ( سبق-04 )
هن زمان جي مطابق
ڪو اهڙو عمل جيڪو ڪنهن گذريل وقت ۾ شروع ٿي ۽ موجوده وقت تائين جاري رهندو اچي ته
اهڙي عمل کي زمان حال جاري ڪامل ۾ شمار ڪيو وڃي ٿو. هن زمان جي جوڙ جڪ ڪجهه هن ريت
ٿئي ٿي.
Subject
+ has/have + been + verb(ing) + object + since/for + time. (Affirmative)
Subject
+ has/have + not + been + verb(ing) + object + since/for + time. (Negative)
Has/Have + Subject + been + verb(ing) + object + since/for + time? (Interrogative
مٿئين جوڙ جڪ تي نظر ڪرڻ سان اهو معلوم ٿئي ٿو ته مددگاري فعل اهو ساڳيو آهي جيڪو
اسان زمان حال ڪامل ۾ استعمال ڪري آيا آهيون ، جهڙي ريت اُتي استعمال ٿيو آهي اهڙي ريت هِتي به
استعمال ٿيندو.
جنهن کان پوءِ بِين لفظ جو پڻ اظافو ٿيندو ۽ فعل ۾ آءِ اين جي پڻ شامل ٿيندي
جيڪو عمل اسان زمان حال جاري ۾ پڻ سکي آيا آهيون.
هتي آخر ۾ آبجيڪٽ يعني مفعول کان پوءِ ٿورو غور ڪنداسين ته اسان کي هڪ نئين
شيءِ ڏسڻ ۾ ايندي جنهن ۾ اسانکي سِنس ۽ فار انگريزي جا لفظ ڏسڻ ۾ اچن ٿا جن جو
استعمال سمجهڻ لاءِ هيٺ ڏنل ٽيبل تي غور ڪريو ته اوهانکي آساني سان انهن جو
استعمال سمجهه ۾ اچي ويندو.
ناڪاري ڪرڻ لاءِ اسان فقط مددگاري فعل (هئز يا هئو) کان پوءِ (ناٽ) جو استعمال
ڪنداسين ۽ سوالي ڪرڻ لاءِ اسان ان مددگاري فعل کي سبجيڪٽ کان پهرين لکنداسين.
اميد آهي ته هي سنڌي ليڪچر اهانجي لاءِ فائديمند ثابت ٿيندو، هيٺ ڏنل مثال تي
غور ڪري ۽ مشقون حل ڪرڻ سان اوهانکي هن زمان تي وڌيڪ عبور حاصل ٿيندو، انکان علاوه
هيٺ وڊيو ليڪچر پڻ موجود آهي جنهن کي ڏسي ڪري اوهان ڪنهن به قسم جي مونجهاري کي
ختم ڪري سگهو ٿا.
Since |
For |
صبح، ڏينهن، شام
، رات ، ڪالهه |
|
2 بجه کان ، 5
بجه کان وغيره |
ٻن ڪلاڪن کان،
پنجن ڪلاڪن کان وغيره |
سومر کا آچر
تائين سڀن ڏينهن سان |
چئن ڏينهن کان،
اٺن ڏينهن کان وغيره |
جنوري کان ڊسمبر
تائين سڀن مهينن سان |
پنجن مهينن کان،
ڏهن مهينن کان وغيره |
2010 کان،
2015 کان ، 1980 کان وغيره |
ڏهن سالن کان،
ٻن سالن کان وغيره |
Example
هوءَ ٻن
ڪلاڪن کان کاڌو پچائي رهي آهي.
She has
been cooking food for two hours. (Affirmative)
She has
not been cooking food for two hours. (Negative)
Has she
been cooking foods for two hours? (Interrogative)
Exercise-1
آئون صبح کان وٺي ڪم ڪري رهيو آهيان.
گذريل رات کان مينهن وسي رهيو آهي.
آئون 2008 کان هتي پڙهي رهيو آهيان.
رانديگر شام کان راند کيڏي رهيا آهن.
آئون ڪيترن ئي سالن کان رڙيون ڪري رهيو آهيان.
هوءَ اٺين بجي کان موسيقي ٻڌي رهي آهي.
هوءَ اڌ ڪلاڪ کان گهر کي پوچو ڏيئي رهي آهي.
امجد اسان کي 2010 کان انگريزي پڙهائي رهيو آهي.
هوءَ ڪيترن ئي ڪلاڪن کان هنکي تنگ ڪري رهي آهي.
آئون 2005 کان هيءَ نوڪري ڪري رهيو آهيان.
اهي ٻن سالن کان انعام کٽي رهيا آهن.
آئون پنجن مهينن کان سمنڊ جي ڪناري وڃي رهيو آهيان.
Vocabulary
Word |
Meaning |
Word |
Meaning |
Cry |
رڙيون ڪرڻ |
Tease |
تنگ ڪرڻ |
Music |
موسيقي |
Win |
کٽڻ |
Listen |
ٻڌڻ |
Prize |
انعام |
Mop |
پوچو ڏيڻ |
Beach |
سمنڊ جو ڪنارو |
Teach |
پڙهائڻ |
|
|
Exercise-2
اسين هتي چئن سالن کان رهون پيا.
تون هن جو ٻن ڪلاڪن کان انتظار ڪري رهيون آهين.
اهي گذريل هڪ ڪلاڪ کان ڳالهائي رهيا آهن.
سليم جون 2015 کان يونيورسٽي ۾ پڙهائي رهيو آهي.
نازش ٽن ڏينهن کان دوائون کائي رهي آهي.
هو ٻن ڪلاڪن کان پودن کي پاڻي ڏيئي رهيو آهي.
ٽن ڏينهن کان بارش ٿي رهي آهي.
اهي 2003 کان آمريڪا ۾ رهن پيا.
هوءَ 2007 کان هن آفيس ۾ ڪم ڪري رهي آهي.
آئون هڪ ڪلاڪ کان پنڌ ڪري رهيو آهيان.
آئون ٻن ڪلاڪن کان هن جبل تي چڙهي رهيو آهيان.
منيب ڪالهه کان ڪلاس ۾ حاضر ٿي رهيو آهيو.
Vocabulary
Word |
Meaning |
Word |
Meaning |
Live |
رهڻ |
Water |
پاڻي ، پاڻي ڏيڻ |
Wait |
انتظار ڪرڻ |
Rain |
مينهن ، برسات |
Talk |
ڳالهائڻ |
Walk |
پنڌ ڪرڻ |
Teach |
پڙهائڻ ، سيکارڻ |
Mountain |
جبل |
Climb |
چڙهڻ |
Medicine |
دوا |
Attend |
حاضر ٿيڻ |
Plant |
ٻوٽو |